“Qarabağın “status”u məsələsi gələcək nəsillərə qaldı”.
Bunu Ermənistanın baş naziri Nikol Paşinyan deyib. O bəyan edib ki, Rusiya tərəfi Qarabağın “status”u məsələsini gələcəyə buraxmağı təklif edib və Ermənistan bununla razılaşıb.
Paşinyan Soçidə Putin və Əliyevlə görüşündə Rusiya sülhməramlılarının mandatının qeyri-müəyyən müddətə uzadılmasını təklif edib.
“Qarabağın statusu məsələsində Rusiyanın mövqeyi Ermənistan hakimiyyətinin yanaşmasına tam və 100% uyğundur”, – deyə Paşinyan bildirib.
Qeyd edək ki, ondan əvvəl Rusiyanın Ermənistandakı səfiri Sergey Kopırkin də jurnalistlərə açıqlamasında Qarabağın statusunun müəyyənləşdirilməsi məsələsini gələcəyə təxirə salmağın daha düzgün olacağını deyib.
Mənbə: Newsarmenia
