Sumqayıtda 5 nəfərin xəsarət alması ilə nəticələnən yol-nəqliyyat hadisəsi baş verib.
Qəza Bakı-Quba yolunun Sumqayıtdan keçən hissəsində - Sumqayıt Texnologiyalar Parkının yaxınlığında qeydə alınıb.
Hərəkətdə olan ağırtonajlı avtomobil “Mitsubishi” markalı minik avtomobili ilə toqquşub. Qəza nəticəsində minik avtomobilində olan 5 nəfər müxtəlif dərəcəli bədən xəsarətləri alıb. Əraziyə təcili tibbi yardım cəlb olunub, yaralılar xəstəxanaya yerləşdirilib.
Faktla bağlı araşdırma aparılır. (APA)
