Beyonse pərəstişkarlarının albom həsrəti sona çatır.
Nezarettv.Az bildirir ki, müğənni “Renaissance” adlı yeni albomunun trek siyahısını paylaşıb. R&B musiqisinin ulduzu olan Beyonse yeddinci studiya albomunun trek siyahısını pərəstişkarları ilə paylaşıb.
6 illik albom səssizliyinə son qoymağa hazırlaşan müğənni sosial media hesabında bütün mahnıların adını açıqlayıb.
16 mahnının yer aldığı albom iyulun 29-da işıq üzü görəcək.
"Renaissance " müğənninin 2016-cı ildə çıxan "Lemonade" albomundan sonra ilk studiya işi olacaq. Müğənni Lemonade albomu ilə 9 Grammy nominasiyası qazanıb. "Formation" mahnısına çəkilən klip Grammy Mükafatlarında Ən Yaxşı Musiqili Klip seçilib.
Qremmi mükafatlı müğənni albomun üz qabığında şüşə at üzərində poza verib. Müğənninin bu pozası məşhur Ledi Qodiva rəsminə bənzədilib.
Qeyd edək ki, Albom elanından sonra "Vogue England"ın üz qabığına çıxan ulduz fərqli görünüş və obrazlarla pozalar verib.
